Շվեյցարիայի նախագահ Գի Պարմելենն երեկ ԱՄՆ նախագահ Ջո Բայդենի հետ հանդիպումից հետո տեղի ունեցած մամուլի ասուլիսի ժամանակ հայտնել է, որ ինքն ու ՌԴ նախագահ Վլադիմիր Պուտինը կքննարկեն Արցախյան հակամարտությունը:
Ավելի վաղ Շվեյցարիայի արտաքին գերատեսչության ղեկավարն էր ասել, որ Պարմելենի և Պուտինի հանդիպմանը կքննարկվի Լեռնային Ղարաբաղի հարցը: «Այս հարցը առաջնահերթ նշանակություն ունի, և այն ընդգրկված է առաջիկա բանակցությունների օրակարգում», -երեկ երեկոյան հայտարարել է Շվեյցարիայի արտաքին գործերի նախարար Ինյացիո Կասիսը։