Շրջափակման հետևանքով Արցախում մնացած Ռուսաստանի և այլ երկրների քաղաքացիներ դուրս են բերվել Արցախից։ Այս մասին տեղեկացել ենք Արցախի Հանրապետության պետնախարար Ռուբեն Վարդանյանի «Տելեգրամ»-ի էջից։
«Շրջափակման հետևանքով Արցախում մնացել են Ռուսաստանի և այլ երկրների քաղաքացիներ։ Ընտանիքները, այդ թվում՝ երեխաներ ունեցողներ, արգելափակվել են ավելի քան մեկ ամիս։ Արցախի կառավարությունը Ռուսաստանի Դաշնության խաղաղապահների հետ համատեղ վաղուց նախապատրաստել և այսօր կազմակերպել է նրանց մի մասի վերադարձը հայրենիք։ Սակայն Արցախի 120 հազար քաղաքացիների, այդ թվում՝ 30 հազար երեխաների համար անմարդկային շրջափակումը շարունակվում է»,- գրել է Վարդանյանը։
![](https://azat.tv/wp-content/uploads/2022/09/azattvlogoblack.png)