Մի քանի տարի անց այս սերնդի տեխնոլոգիաներն արդիական չեն լինելու․ Սամվել Գևորգյան

Գործարար Սամվել Գևորգյանը Facebook-ի իր էջում գրել է․

«Արդեն միտումը հստակ է, որ շատերն են պլանավորում / նախատեսում / ցանկություն հայտնում զբաղվելու ԱԹՍ-ների արտադրությամբ։ Ուղղակի մի խորհուրդ։ Ինչքան շփվում, տեսնում եմ, մեծամասնությունը կենտրոնացել է այս սերնդի տեխնոլոգիաների վրա։

Մի քանի տարի անց դրանք արդեն արդիական չեն լինելու։ Ավելի լավ է մտածել հաջորդ սերնդի մասին․

– ոչ միայն օպերատորով կառավարվող, այլ նաև արհեստական բանականությամբ
– ոչ միայն հրամանատարական կետից համակարգվող, այլ նաև ինքնուրույն որոշումներ կայացնող
– ոչ միայն առանձին նշանակության (հետախուզական, հարվածային, կամիկաձե), այլ նաև ունիվերսալ
– այլ բնութագրիչներ․․․

Ի դեպ, ինչու՞ միայն անօդաչու թռչող սարքեր, այլ նաև արհեստական բանականությամբ օժտված ռոբոտ զինվորներ, հրանոթներ, տանկեր, այլ տեխնիկա։

Անհրաժեշտություն կա միշտ մի քայլ առաջ նայել։ Սա վերաբերվում է նաև ամբողջ տնտեսությանը․ պետք է կարողանանք կանխատեսել թե ինչ է լինում վաղը, որը ըստ այդմ պլանավորենք ամեն ինչ»։

https://www.facebook.com/samvelbsc/posts/10215931342789660?__cft__%5B0%5D=AZVeucKx2XBWQUYZiY066c0FLJs3GCLKrwGz7sfKwzn717v5mhJ-_gOIu4KIr6C7ayzb9_Ifx-oObcwX7NvLmPmtW1TeL080Ojn2Epe6RBo-QIg7jV5jrVYsDuw0ZoMmW1A&__tn__=%2CO%2CP-R