«Ռեալի» նախագահ Ֆլորենտինո Պերեսը հյուրընկալվել է իսպանական El Chiringuito TV-ին: «Արքայական ակումբի» նախագահը անդրադարձել է նաև ՊՍԺ-ի և Ֆրանսիայի հավաքականի հարձակվող Կիլիան Մբապեի՝ «Արքայական ակումբ» ձախողված տրանսֆերին: Պերեսը գնահատել է ֆրանսիացի խաղացողի՝ հետագայում «Ռեալում» խաղալու շանսերը:
«Մբապեն զանգեր է ստացել Ֆրանսիայի նախագահից՝ ակումբում մնալու համար, այնուհետև նա գնաց Կատար ու հավանաբար այնպիսի առաջարկ ստացավ, որից կարելի է խելագարվել: Այդ պատճառով էլ նա փոխեց միտքը: Նրա համար հեշտ չի եղել: Բայց այդ ամենն իսկապես անհասկանալի է: Միայն պատկերացրեք, որ Իսպանիայի թագավորը զանգի ինչ որ խաղացողի, որ նա մնա ակումբում:
Ես երբեք չեմ ասել, որ Մբապեի ու «Ռեալի» միջև ամեն ինչ ավարտված է: Երեք տարվա ընթացքում շատ բան կարող է փոխվել: Բայց այս Մբապեին ես չեմ ուզում: Ես ուզում եմ իսկական Մբապեին»,- ասել է Պերեսը:
