Ֆրանսիայի նախագահ Էմանյուել Մակրոնը հայտարարել է, որ Ֆրանսիան չի միջամտում Մերձավոր Արևելքում ընթացող հակամարտությանը, այլ միայն պաշտպանում է իր քաղաքացիներին և դաշնակիցներին։ Նա նշել է, որ տարածաշրջան է ուղարկվել ռազմական ուժերի հավելյալ ստորաբաժանումներ, այդ թվում՝ «Շառլ դը Գոլ» ավիակիր նավը, որպեսզի պաշտպանեն քաղաքացիներին և կասեցնեն անօդաչու սարքերն ու հրթիռները։ Մակրոնը նաև ընդգծել է ծովային նավագնացության անվտանգության ապահովման կարևորությունը և փորձում է ձևավորել կոալիցիա՝ այս խնդիրը լուծելու համար։