Մի շարք շրջաններում ձնախառն անձրև և մերկասառույց. ճանապարհներն անցանելի են

Նոյեմբերի 19-ին՝ ժամը 9։00-ի դրությամբ, Հրազդանի, Սևանի, Գավառի և Արթիկի տարածաշրջաններում դիտվել է ձնախառն անձրև։ Այս մասին հայտնում են «Ճանապարհային դեպարտամենտ» հիմնադրամից։ Թալինի շրջանում առկա է մառախուղ, իսկ տեսանելիությունը սահմանափակված է 70-80 մետրով։ Չնայած եղանակային բարդ պայմաններին, միջպետական և հանրապետական նշանակության բոլոր ավտոճանապարհները բաց են։

Սևան քաղաքում ձյուն է տեղում, իսկ Լծեն-Տաթև և Աղվանի-Տաթև ճանապարհներին տեղ-տեղ առկա է մերկասառույց։ ՀՀ փրկարար ծառայությունը կոչ է անում վարորդներին ցուցաբերել զգուշություն հատկապես նշված հատվածներում։

Վրաստանի ՆԳՆ ԱԻ դեպարտամենտի և Ռուսաստանի Հյուսիսային Օսիայի ճգնաժամային կառավարման կենտրոնի հաղորդմամբ, Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Եղանակային այս պայմաններում վարորդներին խորհուրդ է տրվում երթևեկել ձմեռային անվադողերով, լինել առավել զգոն և պահպանել արագության սահմանափակումները։ Այս եղանակային իրավիճակը կարող է կարճաժամկետ լինել, սակայն պահանջում է հատուկ զգուշություն ճանապարհային երթևեկության ընթացքում։