Դեկտեմբերի 2-ին ԱՄՆ-ում Հայաստանի դեսպան Նարեկ Մկրտչյանը հանդիպում է ունեցել ԱՄՆ Առևտրի պալատի փոխնախագահ Քուշ Չոկսիի և Միջին Արևելքի, Կենտրոնական Ասիայի և Թուրքիայի հարցերով փոխնախագահ Ջենիֆեր Միելի հետ։ Հանդիպման ընթացքում քննարկվել են հայ-ամերիկյան տնտեսական համագործակցության ընդլայնման նոր հնարավորությունները՝ հիմնվելով օգոստոսի 8-ին ստորագրված փաստաթղթերի վրա։ Հատուկ ուշադրություն է դարձվել TRIPP նախաձեռնությանը, ինչպես նաև արհեստական բանականության, կիսահաղորդիչների և էներգետիկայի ոլորտներում համագործակցության հնարավորություններին։
Կողմերը պայմանավորվել են հանդես գալ համատեղ նախաձեռնություններով՝ նպատակ ունենալով խորացնել հայ-ամերիկյան տնտեսական կապերը։ Դեսպան Մկրտչյանը նաև հանդիպել է Հարավային և Կենտրոնական Ասիայի հարցերով ԱՄՆ հատուկ բանագնաց Սերժիո Գոռին։ Զրուցակիցները կարևորել են միջտարածաշրջանային հարաբերությունների զարգացումը և փոխադարձ հետաքրքրություն ներկայացնող հարցերում համագործակցությունը։