2025 թվականի դեկտեմբերի 1-ից ՀՀ Պետական եկամուտների կոմիտեն գործարկել է ռեզիդենտի կարգավիճակի հաստատման մասին տեղեկանքների տրամադրման նոր էլեկտրոնային հարթակը։ Այս հարթակը թույլ է տալիս ՀՀ-ում պետական գրանցում ստացած կազմակերպություններին, անհատ ձեռնարկատերերին և ֆիզիկական անձանց ստանալ ռեզիդենտի կարգավիճակի հաստատման տեղեկանք՝ առցանց եղանակով։ Դիմումները ներկայացվում են https://e-services.src.am հարթակի միջոցով, իսկ տեղեկանքները տրամադրվում են նույն հարթակում։
Իրավաբանական անձանց և ԱՁ-ներին տեղեկանքները տրամադրվում են ինքնաշխատ, իսկ ֆիզիկական անձանց և օտարերկրյա ձևաչափով դիմում ներկայացնողներին՝ 2 աշխատանքային օրվա ընթացքում։ Տեղեկանքն ունի էլեկտրոնային հսկիչ ծածկագիր և QR կոդ, որոնք թույլ են տալիս ստուգել դրա վավերականությունը։ Օտարերկրյա գործընկեր կազմակերպությունները ևս կարող են ստուգել տեղեկանքի առկայությունը՝ օգտագործելով տրամադրված QR կոդը կամ հսկիչ ծածկագիրը։ Տեղեկանքները հասանելի են հայերեն, անգլերեն և ռուսերեն լեզուներով։