Արսենալի նոր գլխավոր մարզիչը կարող է լինել Մարսելինոն

Մարսելինոն մրցաշրջանի սկզբում «Վալենսիայից» հեռանալուց հետո գործազուրկ է, բայց, կարծես թե, մարզիչը կարող է աշխատանքի անցնել «Արսենալում»։ Super Deporte-ի հաղորդմամբ՝ նա մեկնել է Լոնդոն՝ բանակցելու ակումբի ղեկավարության հետ։

Ունայ Էմերիի հեռանալուց հետո «Արսենալը» ժամանակավորապես գլխավորում է նրա մարզչական շտաբի աշխատող Ֆրեդրիկ Ցունգբերգը։

Հիշեցնենք, որ Էմերին լքել է լոնդոնյան ակումբը նոյեմբերի 29-ին։

Այս պահին «Արսենալը» զբաղեցնում է մրցաշարային աղյուսակի 11-րդ հորիզոնականը։