ՀՀ արդարադատության նախարար Արտակ Զեյնալյանն այսօր ընդունել է Հայաստանում Սուրբ Աթոռի առաքելական նվիրակ Գերապայծառ Ժոզե Ավելինու Բետանկուրին:
Հռոմի Սրբազան Քահանայապետի ներկայացուցիչը շնորհակալություն է հայտնել նախարար Զեյնալյանին ընդունելության համար և ուրախությամբ նշել, որ Հայաստանում սկսվել է բարեփոխումների և մեծ հույսի ժամանակաշրջան: Այդ համատեքստում նվիրակը նշել է, որ Սուրբ Աթոռի և Հայաստանի Հանրապետության հարաբերությունների խորացման նոր փուլ է սկսվել, և համագործակցության զարգացման համար կան բոլոր նախադրյալները:
Արդարադատության նախարարը ողջունել է Հայաստանում Սուրբ Աթոռի առաքելական նվիրակին և հավաստել իր խորը հարգանքն ու ակնածանքը Հռոմի Սրբազան Քահանայապետ Նորին Սրբություն Ֆրանցիսկոս Պապի հանդեպ:
Հանդիպման ընթացքում կողմերը քննարկել են իրավական ոլորտում համագործակցության հեռանկարներն ու հնարավորությունները:
Այս մասին տեղեկանում ենք ՀՀ արդարադատության նախարարության պաշտոնական կայքից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
