Ռուսաստանցի գրոսմայստեր, շախմատի աշխարհի 14-րդ չեմպիոն Վլադիմիր Կրամնիկը հայտարարել է պրոֆեսիոնալ կարիերան ավարտելու մասին:
«Դե մի քանի ամիս առաջ էի ընդունել այս որոշումը, հիմա ցանկանում եմ պաշտոնապես հայտարարել այդ մասին իմ վերջին մրցաշարից հետո: Պրոֆեսիոնալ շախմատիստի կյանքը գերազանց ճանապարհորդություն էր, եւ ես շատ շնորհակալ եմ շախմատին այն ամենի համար, ինչ տվել է ինձ: Երբեմն հեշտ չէր, երբեմն ավելի հաջող էր, քան կարող էի պատկերացնել, բայց ամեն դեպքում՝ անգին մարդկային փորձ էր»,- 43-ամյա Կրամնիկի խոսքը մեջբերում է Tata Steel Chess մրցաշարի պաշտոնական կայքը:
Կրամնիկը աշխարհի չեմպիոն էր հռչակվել 2000 թվականին՝ հաղթելով Գարի Կասպարովին եւ տիտղոսակիրն էր մինչեւ 2007 թվականը: Ռուսաստանի հավաքականի կազմում Կրամնիկը դարձել է Օլիմպիադայի եռակի չեմպիոն, աշխարհի ու Եվրոպայի թիմային չեմպիոն:
Հաղորդում է news.am-ը։
![](https://azat.tv/wp-content/uploads/2022/09/azattvlogoblack.png)