Ավստրալիայի Մելբուռն քաղաքում տեղի ունեցած ծանր ճանապարհատրանսպորտային պատահարի հետևանքով հոսպիտալացվել են տարրական դասարանների մի խումբ աշակերտներ, որոնցից մի քանիսի վիճակը ծանր է, գրում է BBC-ն։
Դպրոցից դուրս եկող ավտոբուսը տեղափոխում էր 45 աշակերտ, երբ բեռնատարը թիկունքից հարվածել է։ Հարվածի հետևանքով ավտոբուսը շրջվել է, երեխաներին դուրս են բերել փրկարարները
5-11 տարեկան ինը երեխա տեղափոխվել է հիվանդանոց, նրանցից շատերը շտապ վիրահատության կարիք ունեն։
Վիրաբույժները մինչև առավոտ աշխատել են ծանր վիրավորներին բուժելու համար, չորեքշաբթի լրագրողներին ասել է մանկական հիվանդանոցի գլխավոր գործադիր տնօրեն Բերնադետ Մակդոնալդը:
Երեխաները տեղափոխվել են ջախջախված վերջույթներով, արդյունքում անդամահատումներ են եղել, ինչպես նաև գլխի և ողնաշարի վնասվածքներ և ծանր կոտրվածքներունեն նրանք
Յոթ երեխա շարունակում է մնալ հիվանդանոցում՝ ծանր վիճակում, այդ թվում մեկը՝ վերակենդանացման բաժանմունքում։
Ոստիկանությունը հայտնել է, որ բեռնատարի վարորդին մեղադրանք կառաջադրվի: