Սուդանում իրավիճակը շարունակում է գերլարված մնալ, քանի որ ռազմական հեղաշրջումից հետո երկիրը հայտնվել է անորոշ վիճակում։
Հեղաշրջումն իրականաացրած զինվորականները բաց են թողել երկրի վարչապետ Աբդուլա Համդուկին ու նրա ընտանիքին։
Այս մասին հայտարարություն է տարածել Պետդեպը, նշելով, որ պետքարտուղար Էնթոնի Բլինկենը զրույց է ունեցել Համդուկի հետ։
Նշվում է, որ Սուդանի վարչապետն իր նստավայրում է։
Բլինկենը Համդուկի հետ զրույցի ընթացքում հաստատել է, որ ԱՄՆ-ն աջակցում է սուդանցիների ժողովրդավարական ձգտումներին, ինչպես նաև՝ քաղաքացիական անձանցից բաղկացած անցումային իշխանության անհապաղ վերականգնմանը։