ՀՀ Ազգային ժողովի նիստերի դահլիճին կից սրահում ապրիլի 16-ին բացվել է գեղանկարիչ Նարգիզ Փաշոյանի աշխատանքների ցուցահանդեսը, որին ներկա էին պատգամավորներ, արվեստագետներ, ԱԺ աշխատակազմի ներկայացուցիչներ, լրագրողներ:
ՀՀ նկարիչների միության անդամ Նարգիզ Փաշոյանը բազմաթիվ հանրապետական և միջազգային ցուցահանդեսների մասնակից է:
ՀՀ ԱԺ պատգամավոր Նարինե Խաչատուրյանը ողջունել է Ազգային ժողովում մշակութային միջոցառումներ անցկացնելու ավանդույթը՝ այն համարելով հասարակության և Ազգային ժողովի միջև համագործակցության լավագույն օրինակներից: Նա նշել է, որ բազմաթիվ արվեստասերներ հնարավորություն ստացան շփվելու գեղեցիկի հետ: Գնահատելով աշխատանքները՝ պատգամավորը ստեղծագործական նոր եռանդ է մաղթել նկարչուհուն:
Արվեստաբան Մարտին Միքայելյանի խոսքով՝ Նարգիզն իր տաղանդով փորձում է ամենօյա հոգսերով ու խնդիրներով զբաղված մարդու ուշադրությունն ուղղել դեպի գեղեցիկը, դեպի արվեստը: Նա և՛ ժամանակակից է, և՛ ստեղծագործում է նկարչական ավանդույթների շրջանակում: Չափազանց հետաքրքիր համարելով նրա գործերը, ներդաշնակ և գեղեցիկ գնահատելով գույները՝ արվեստաբանը նշել է, որ դրանք շունչ, տրամադրություն, մթնոլորտ են հաղորդում հայ կերպարվեստին:
Նարգիզ Փաշոյանը մեծ պատիվ է համարել Հայաստանի խորհրդարանում իր գործերի ցուցադրությունը և նշել, որ այն յուրօրինակ ստուգատես է հետագա գործունեության համար: Գեղանկարչուհին ցուցահանդեսը նվիրել է թավշյա հեղափոխության մեկամյակին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
