ՀՀ ՆԳՆ քրեական և համայնքային ոստիկանության ստորաբաժանումները երկու օր տևած ինտենսիվ օպերատիվ-հետախուզական գործողություններից հետո բացահայտել են դեկտեմբերի 1-ից անհայտ կորած 42-ամյա Արմինե Մ-ի սպանությունը։ Դեկտեմբերի 4-ին ստացված տվյալները իրացնելով՝ ոստիկանները և նրանց միացած քննիչները Արմավիրի մարզի մի քաղաքում հայտնաբերել և Վաղարշապատի բաժին են տեղափոխել 35-ամյա Երվանդ Ա.-ին։ , Ֆոտոլրագրող Գագիկ Շամշյանի տվյալներով՝ վերջինս խոստովանել է, որ հանցագործությունը կատարել է իր վարած «Renault» մակնիշի ավտոմեքենայում՝ զոհին որպես պատվիրատու տեղափոխելու պահին։ Դեպքի հիման վրա նախաձեռնվել է քրեական վարույթ, իսկ Երվանդ Ա.-ն ձերբակալվել է քննիչի որոշմամբ։
Ըստ հրապարակված տեղեկությունների՝ ոստիկանները սկզբում պարզել էին, որ անհայտ կորած կինը նստել է «Renault» մակնիշի ավտոմեքենա, ինչից հետո նրա մասին տեղեկություններ չեն եղել։ Այդ ուղղությամբ հսկողության տակ էր վերցվել ավելի քան 300 նմանատիպ մեքենա, ինչը հնարավորություն է տվել արագակշիռ ընթացքով բացահայտել դեպքը։ Արմինե Մ-ի մարմինը հայտնաբերվել էր դեկտեմբերի 3-ին՝ Գրիբոյեդով բնակավայրի դաշտամիջյան հատվածում, մարմնական վնասվածքներով։ Նախաքննության շահերից ելնելով՝ դեպքի որոշ հանգամանքներ այս պահին չեն հրապարակվում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։