Երեկ Եռաբլուրում արած հայտարարությունների համար բերման ենթարկված Վահան Բադասյանը ձերբակալվել է։
ԱԱԾ-ից հայտնել են նաև, որ դատարան միջնորդություն է ներկայացվել՝ Բադասյանին կալանավորելու համար։
Հիշեցնենք, որ Վահան Բադասյանը Արցախի Ազգային ժողովի նախկին պատգամավոր է, «Միացյալ Հայաստան» կուսակցության նախագահը, ով մասնակցում էր նաև Արցախի նախագահական վերջին ընտրություններին։
Նա բերման էր ենթարկվել, քանի որ հայտարարել է, որ սկսելու է կազմակերպել վարչապետ Նիկոլ Փաշինյանին ֆիզիկապես վերացնելու գործընթաց։
