«Բարսելոնայի» նորընտիր նախագահ Ժոան Լապորտան նոր պայմանագիր է առաջարկել թիմի ավագ Լիոնել Մեսիին։
Սակայն նշվում է, որ նոր պայմանագրով ֆուտբոլիստի աշխատավարձը կկրճատվի։
Կատալոնական ակումբի ղեկավարությունը 33–ամյա ֆուտբոլիստին խոստացել է ֆինանսական ճգնաժամի հաղթահարումից հետո բարձրացնել աշխատավարձը։ «Բարսելոնան» Մեսիին նաև առաջարկել է ակումբի դեսպանի պաշտոնը ֆուտբոլիստի կարիերայի ավարտից հետո։
Այս մասին տեղեկանում ենք Mundo Deportivo֊ից։
