«Բարսելոնան» պաշտոնական կայքում հայտարարել է, որ աշխատանքային պայմանագիր է կնքել «Ժիրոնայի» նախկին խաղացող, 22-ամյա հարձակվող Պաու Վիկտորի հետ։ Իսպանացի ֆուտբոլիստի հետ պայմանագիրը նախատեսված է մինչև 2029 թվականը։
Անցած մրցաշրջանում Վիկտորը վարձավճարով հանդես էր գալիս «Բարսելոնա Ատլետիկում»: Նա բոլոր մրցաշարերում մասնակցել է 39 հանդիպման, որոնցում դարձել է 20 գոլի և 6 գոլային փոխանցման հեղինակ։ Ընդհանուր առմամբ, իսպանացի հարձակվողը «Ժիրոնայի» կազմում բոլոր մրցաշարերում անցկացրել է 11 հանդիպում, որոնցում արդյունավետ չի եղել։ Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 1,5 միլիոն եվրո։
Իսպանական Պրիմերայի անցած մրցաշրջանի արդյունքներով «Բարսելոնան» զբաղեցրել է երկրորդ տեղը, իսկ «Ժիրոնան»՝ երրորդը։