Հայաստանն ու Ադրբեջանը փոխադարձ բարգավաճման շանսեր ունեն․ Ալիևի օգնական

Ադրբեջանի նախագահ Իլհամ Ալիևի օգնական Հիքմեթ Հաջիևը կարծիք է հայտնել, որ Հայաստանն ու Ադրբեջանը կայունության ու փոխադարձ բարգավաճման շանսեր ունեն։

Այս մասին հայտնում են տեղի լրատվամիջոցները։

Հաջիևն իր խոսքում կրկին արծարծել է «Զանգեզուրի միջանցք» արտահայտությունն ու նշել, որ վերջինից վերջնական ստեղծումը կավարտի նախիջևանի մեկուսացումն ու ցամաքային ճանապարհ կտա Հայաստանին Ադրբեջանի տարածքով՝ դեպի Մոսկվա ու այլ երկրներ։

Հաջիևը նաև տեսակետ է հայտնել, որ վստահության ամրապնդման բոլոր միջոցառումները կարող են հանգեցնել նաև Հայաստանի ու Ադրբեջանի միջև վերջնական խաղաղության։