Marca-ի տեղեկությունների համաձայն՝ «Բարսելոնան» ուզում է վաճառել կիսապաշտպան Իվան Ռակիտիչին։ Մինչդեռ Ռակիտիչը ակումբի որոշման հետ համաձայն չէ, ինքը մտադիր է ավարտին հասցնել թիմի հետ իր պայմանագիրը, որն ավարտվում է 2021-ի ամռանը։
Ըստ տեղեկությունների՝ ֆուտբոլիստը՝ որպես ազատ գործակալ ուզում է ինքնուրույն որոշել իր ճակատագիրը։ Քննարկվում է Ռակիտիչին «Յուվենտուսի» կիսապաշտպան Ֆեդերիկո Բերնարդեսկիի հետ փոխանակելու տարբերակը, սակայն խորվաթ ֆուտբոլիստը չի ուզում տեղափոխվել իտալական ակումբ։
Վերջին հատվածում կատալոնական ակումբը Ռակիտիչի տրանսֆերը առաջարկել է «Յուվեին» ու «Ինտերին»։ Ակումը հույս ունի, որ կկարողանա խորվաթ ֆուտբոլիստին ներառել Լաուտարո Մարտինեսի գործարքում։
Սակայն ֆուտբոլիստի համար առավել նախընտրելի տարբերակ են «Ատլետիկոն» կամ «Սևիլյան»։ Իվան Ռակիտիչը Իսպանիայում իրեն ավելի լավ է զգում՝ չնայած այս ակումբները պատրաստ չեն «Բարսելոնայի» առաջարկած գումարը վճարելուն։
Այս պահին կատալոնական ակումբը փորձում է համոզել Ռակիտիչին, որ հեռանա ակումբից՝ հասկացնելով նրան, որ մյուս մրցաշրջանում քիչ խաղաժամանակ է ստանում։
Մինչ այս քննարկումները տեղեկություններ կային, որ Ռակիտիչով հետաքրքրվում են «Տոտենհեմը», «Ատլետիկոն» ու «Սևիլյան»։ Հայտնի էր դարձել նաև, որ «Բարսելոնան» պատրաստ է 20 մլն եվրոյով բաց թողնել ֆուտբոլիստին։