Լոնդոնի «Արսենալի» նախկին գլխավոր մարզիչ Արսեն Վենգերը անդրադարձել է կատալոնական «Բարսելոնայի» անհաջող մրցելոյթներին: Այս մասին հայտնում է beIN Sport-ը:
«Այս մրցաշրջանում մենք տեսնում ենք, որ «Բարսելոնայի» խաղային համակարգում ամեն ինչ չէ, որ աշխատում է»: Վենգերը նշել է, որ այն մարտավարությունը, որն անցյալում հրաշքներ էր գործում, այժմ ոչ մի դրական արդյունք չի տալիս:
«Բարսելոնայի» անհաջողությունների գլխավոր պատճառը դանդաղ ֆուտբոլն է: «Բարսելոնան» հարձակվում է ամբողջ թիմով, սակայն գնդակը կորցնելուց հետո մրցակիցներն արագ հակագրոհներով հաջողության են հասնում, իսկ «Բարսելոնան» շարունակում է նույն ֆուտբոլը խաղալ»,- հավելել է մարզիչը:
