Բավարիան հաստատում է, որ համաձայնության է եկել Բարսայի հետ Կոուտինյոյի վերաբերյալ

«Բավարիան» պաշտոնապես հաստատել է տեղեկությունն այն մասին, որ կիսապաշտպան Ֆիլիպե Կոուտինյոյի տեղափոխության վերաբերյալ համաձայնության է եկել «Բարսելոնայի» հետ։

27-ամյա բրազիլացի ֆուտբոլիստը մյունխենյան ակումբի կազմում հանդես կգա մինչև 2019/20 մրցաշրջանի ավարտ։ «Բավարիան» նաև հետագա գնման իրավունք կունենա։

Երեկ՝ օգոստոսի 16-ին, Կոուտինյոն կատալոնական ակումբի հետ մեկնել էր Բիլբաո՝ Իսպանիայի առաջնության 1-ին տուրի՝ «Աթլետիկի» հետ խաղին, բայց թիմի հայտացուցակում տեղ չէր գտել։

Նշենք, որ բրազիլացին Կատալոնիա էր տեղափոխվել նախորդ տարվա հունվարին 145 մլն եվրոյով։