Բավարիան Մյուլերին նոր պայմանագիր է առաջարկել․ սկսվել են բանակցություններ

Մյունխենի «Բավարիայի» հնաբնակներից Թոմաս Մյուլերը, ամենայն հավանականությամբ, չի հեռանա գերմանական ակումբից ու կթարմացնի պայմանագիրը։

Ինչպես հայտնում է Goal.com-ը, «Բավարիան» նոր պայմանագիր է առաջարկել 32-ամյա ֆուտբոլիստին։

Ըստ աղբյուրի՝ նոր պայմանագիրը նախատեսված է մինչև 2024 թվականի հունիս՝ ևս մեկ տարով երկարաձգելու հնարավորությամբ։

Նշվում է նաև, որ Մյուլերի ու «Բավարիայի» միջև բանակցություններն արդեն սկսվել են։