Մադրիդի «Ռեալի» նախկին հարձակվող Կարիմ Բենզեման, որն այժմ հանդես է գալիս Սաուդյան Արաբիայի «Ալ-Իթթիհադում», կարծում է, որ 2024 թվականին «Ոսկե գնդակը» պետք է ստանա մադրիդյան ակումբում իր նախկին թիմակից Վինիսիուս Ժունիորը։
Նախօրեին «Ռեալը» Չեմպիոնների լիգայի եզրափակչում 2:0 հաշվով հաղթել էր Դորտմունդի «Բորուսիային», իսկ Վինիսիուսն այդ խաղում դարձել էր գոլի հեղինակ:
Բենզեման սոցցանցում հրապարակել է լուսանկար, որտեղ բրազիլացին տոնում է գոլը և այն մեկնաբանել «Ոսկե գնդակ» արտահայտությամբ։
Հարկ է նշել, որ Վինիսիուսը բուքմեյքերների վարկածով «Ոսկե գնդակի» համար պայքարում ֆավորիտ է։ Նրան հաջորդում են թիմակիցներ Ջուդ Բելինգհեմը և Թոնի Կրոսը։
![](https://azat.tv/wp-content/uploads/2022/09/azattvlogoblack.png)