fbpx
Աշխարհ

23:50 14/8/2019

Բենզինով մեքենաները անցյալ դարի մեքենաներ են. Իլոն Մասկ

Ամերիկյան Tesla և SpaceX ընկերությունների հիմնադիր և ղեկավար Իլոն Մասկը Twitter-ի իր միկրոբլոգում անդրադարձել է բենզինային շարժիչներով մեքենաներն: Այս մասին հայտնում է Bloomberg-ը:

Մասկը դրանք որակել է «անցյալ դարի» մեքենաներ և նշել, որ նրանց սպասվում է թանգարանային ցուցանմուշների աննախանձելի ճակատագիր:

Մասկը հավելել է, որ տրանսպորտային միջոցների ավանդական ուժային կայանքները ոչ այլ ինչ են, քան «անցողիկ տարվածություն», որը շատ շուտով «լավ կնայվի որպես թանգարանային նմուշ»:

Սա առաջին անգամը չէ, որ Tesla և SpaceX ընկերությունների հիմնադիրն իր բացասական վերաբերմունքն է հայտնում բենզինային շարժիչներով մեքենաների վերաբերյալ և նշում էլեկտրամեքենաների գերիշխող դիրքը դրանց նկատմամբ, գրում է ibtimes-ը:

Դեռևս անցած ամիս տված հարցազրույցներից մեկի ժամանակ, միլիարդատերը հայտնել էր, որ այսօրվա մեքենաները «սիրտ ու հոգի չունեն»:

Աղբյուրի տվյալներով՝ Մասկն ակնկալում է, որ մինչև տարեվերջ Tesla-ն 360 000-ից մինչև 400 000 ավտոմեքենա կիրացնի:

 

Վերեվ