Պրիմերայի 3-րդ տուրի՝ «Վիլյառեալի» հետ խաղում դուբլ ձևակերպեց Մադրիդի «Ռեալի» հարձակվող Գարեթ Բեյլը (2-2):
30-ամյա ուելսցի ֆուտբոլիստի համար այդ գոլերը դարձան 103-րդն ու 104-րդը «արքայական» ակումբի կազմում: Այդ ցուցանիշով հարձակվողը հավասարվեց լեգենդար բրազիլացի Ռոնալդոյին, որի հետ հիմա ակումբի լեգեոներ-ռմբարկուների թվում կիսում է 7-րդ հորիզոնականը:
«Ռեալի» պատմության լավագույն լեգեոներ-ռմբարկուները՝
1. Կրիշտիանու Ռոնալդու – 450 գոլ
2. Ալֆրեդո Դի Ստեֆանո – 308
3. Ֆերենց Պուշկաշ – 241
4. Կարիմ Բենզեմա – 224
5. Ուգո Սանչես – 208
6. Գոնսալո Իգուային – 121
7. Ռոնալդո, Գարեթ Բեյլ – 104
Նշենք, որ Բեյլը «Ռեալի» կազմում հանդես է գալիս 2013 թվականից: Հարձակվողը խաղացել է նաև «Տոտենհեմում» ու «Սաութհեմփթոնում»: «Ռեալի» հետ ուելսցու պայմանագիրը նախատեսված է մինչև 2022 թվականի հունիսի 30-ը:
