ԱՄՆ նախագահ Դոնալդ Թրամփի ազգային անվտանգության հարցերով նախկին խորհրդական Ջոն Բոլթոնը համաձայնել է ցուցմունք տալ նախագահի իմպիչմենթի շրջանակում։ Այս մասին հայտարարություն է տարածվել նրա կայքում:
«Իմպիչմենթի հետ կապված հակասությունների ընթացքում ես փորձել եմ որպես քաղաքացի և որպես ազգային անվտանգության հարցերով նախկին խորհրդական կատարել իմ պարտավորությունները: Իմ գործընկեր Չառլզ Կուպերմանը վերջնական որոշման համար դիմել է դաշնային դատական իշխանություններին:
Երբ իմ խորհրդականը տեղեկացրեց Ներկայացուցիչների պալատի կոմիտեին, որ ես ևս կդիմեմ այդ սահմանադրական հարցերը լուծելու համար, կոմիտեն որոշեց ինձ օրակարգ չուղարկել: Այդուհանդերձ, ես որոշեցի ղեկավարվել դոկտոր Կուպերմանի գործի արդյունքում արված եզրակացությամբ»,-հայտարարել է Բոլթոնը:
Այնուամենայնիվ, Բոլթոնի խոսքով՝ և՛ նախագահը, և՛ Պալատը հանդես են եկել Կուպերմանի իրավաբանական ջանքերի դեմ: Նա նշել է, որ դատարանը Կուպերմանի գործը վիճելի է համարել, և գործը չի հասել իշխանությունների տարանջատման հարցին:
«Այժմ հերթը Սենատինն է, որը պետք է իրականացնի իր սահմանադրական պարտավորությունները իմպիչմենթի հարցով որոշում կայացնելու ճանապարհով: Քանի որ իմ ցուցմունքները կրկին վիճելի են, ես պետք է լուրջ հարցերը որքան հնարավոր է լավ լուծեմ՝ հիմնվելով մանրակրկիտ ուսումնասիրության վրա: Ես եկա եզրակացության, որ եթե Սենատն ինձ օրակարգ ուղարկի, ես պատրաստ կլինեմ ցուցմունք տալ»,-նշել է Բոլթոնը: