Իտալիայի ազգային հավաքականի պաշտպան Լեոնարդո Բոնուչին հրաժարվել է ներողություն խնդրել Հայաստանի հավաքականի հարձակվող Ալեքսանդր Կարապետյանից: Հիշեցնենք, որ Հայաստանի և Իտալիայի հավաքականների միջև Եվրոպայի 2020թ.առաջնության ընտրական խաղում Կարապետյանը հեռացվել էր խաղադաշտից Բոնուչիի հետ բախումից հետո:
Ավելի ուշ Կարապետյանը ֆեյսբուքյան իր էջում դիմել էր իտալացի պաշտպանին.
«Ես հարգում եմ այն, ինչի դու հասել է ֆուտբոլում, բայց դա ամոթալի էր»,-գրել էր Կարապետյանը։
«Նման բաներ լինում են ֆուտբոլում, ես ներողություն խնդրելու կարիք չեմ զգում։ Նույնիսկ չգիտեի, որ նա արդեն ուներ մեկ դեղին քարտ։ Ես հոնքերիս վրա արդեն երկու կար ունեի և փորձում էի պաշտպանվել: Ինձ տխրեցնում է այդ բախման փաստը, ես ընդունում եմ դա։ Եթե ես 91 հանդիպում եմ անցկացրել իմ երկրի համար, դա նշանակում է, որ ամեն ինչ արել եմ թիմին օգնելու համար», -իտալացու խոսքերը մեջբերում է Football Italia-ն:
