Ուկրաինայում իրավիճակը շարունակում է մնալ խիստ բացասական և ողբալի, այս պահին բարելավման միտումներ չկան։ Պրահայում կազմակերպության անդամ երկրների պաշտպանության նախարարությունների ղեկավարների ոչ պաշտոնական հանդիպման մեկնարկից առաջ այսպես է գնահատել Ուկրաինայի տարածքում ստեղծված իրավիճակը Եվրամիության դիվանագիտության ղեկավար Խոսեպ Բորելը։
«Այսօր մենք կշարունակենք քննարկել Ուկրաինայում ստեղծված իրավիճակը, որը, ցավոք, չի բարելավվում։ Զապորոժյեի ԱԷԿ-ում իրավիճակը շատ վտանգավոր է: Այսինքն՝ իրավիճակը երկրի վրա շարունակում է մնալ շատ վատ»,- ասել է Գերագույն ներկայացուցիչը։ Նա նաև հայտարարել է, որ ԵՄ-ն կշարունակի Կիևին տրամադրել անհրաժեշտ ռազմական և ֆինանսական աջակցություն։
