Կորոնավիրուսի հետևանքով Բրազիլիայում հայտարարվել է պարետային ժամ

Բրազիլիայի մայրաքաղաք Բրազիլիայի նահանգապետ Իբանյես Ռոշան դաշնային շրջանի տարածքում հայտարարել է պարետային ժամ։

Այս մասին նա հայտնել է Twitter-ի իր էջում։

Նման քայլի գնալու պատճառը մայրաքաղաքում համաճարակային իրավիճակի կրիտիկական լինելն է։ Ռոշան գրել է, որ դա միակ միջոցն է պայքարելու վարակի տարածման դեմ։

Պարետային ժամը գործելու է 22:00-ից մինչև 05:00-ն։ Այն ուժի մեջ կմնա մինչև մարտի 22-ը։