Չինաստանի հավաքականի ֆուտբոլիստները ստիպված են լինելու կամ հեռացնել իրենց դաջվածքները, կամ էլ ծածկել դրանք։
Այս մասին գրում է Mathrubhumi-ն։
Բանն այն է, որ նրանց դաջվածքները մեծ ուշադրության են արժանացել երկրում ու այս առումով հայտարարություն է տարածել երկրի սպորտի վարչությունը։ Դրանում ասվում է, որ մարզիկները պետք է մրցումների և մարզումների ժամանակ ծածկեն իրենց դաջվածքները կամ էլ հեռացնեն դրանք։
Հայտարարության մեջ ասվում է նաև, որ պետք է ուշադրություն դարձնել երիտասարդներին, ում հետ որ պայմանագիր է կնքում։ Մինչ պայմանագիրը գործատուն պետք է ստուգի մարզիկի մարմնին դաջվածքների առկա լինել-չլինելու մասով։