«Ռեալի» պաշտպան Դանիել Կարվախալը խոսել է «Բարսելոնայի» հետ սպասվելիք երկու խաղերի մասին:
Չորեքշաբթի մադրիդցիները կատալանոկան ակումբի հետ կխաղան Իսպանիայի Գավաթի 1/2 եզրափակչի պատասխան խաղի (առաջին խաղը` 1:1), իսկ շաբաթ` Լա Լիգայի շրջանակում:
«Մենք լավ կարգավիճակում ենք ու մեզ լավ ենք զգում: Առաջին խաղում վատ արդյունքի չենք հասել ու ցանկանում ենք հայտնվել եզրափակչում:
Այս խաղն առանձնահատուկ է, այն կդիտեն ամբողջ աշխարհում: Հուսով ենք` կկարողանանք լավ արդյունքի հասնել»,- Կարվախալի խոսքերն է փոխանցում Marca-ն:
«Ռեալ»-«Բարսելոնա» խաղը կմեկնարկի այսօր ուղիղ կեսգիշերին:
Հաղորդում է armsport.am-ը։
