Հունաստանի վարչապետ Կիրիակոս Միցոտակիսը հայտնել է, որ չի բացառում հանդիպումը Թուրքիայի նախագահ Ռեջեփ Թայիփ Էրդողանի հետ երկու երկրների նախնական բանակցությունների ժամանակ, եթե Անկարան դադարեցնի սադրանքները Էգեյան ծովում և Միջերկրական ծովի արևելյան հատվածում:
Նա նշել է, որ Գերմանիայի միջնորդությամբ երկու կողմերը պայմանավորվել են վերսկսել բանակցություններն այն պահից, որտեղից դադարեցրել էին 2016-ի մարտին:
«Թույլ տվեք պարզաբանել, որ այս բանակցությունների թեման, ինչպես և նախորդ փուլերում, անփոփոխ է մնում. դա ծովային գոտիների սահմանազատումն է»,- ասել է նա:
Այս մասին տեղեկանում ենք ֆրանսիական Le Figaro թերթից:
