Այսօր Կառավարության նիստի ընթացքում ՀՀ վարչապետ Նիկոլ Փաշինյանը խոսեց գնաճից։
Նա ասաց, որ Հայաստանում աշխատատեղերն ավելացել են, բայց գնաճի պատճառով չի բարձրացել քաղաքացիների բարեկեցությունը։
Փաշինյանը նշեց, որ ունեցել ենք 7,7 տոկոս գնաճ, ինչը ավելին էր, քան կանխատեսվել էր պետբյուջեով։ Նրա խոսքով՝ սրանք գլոբալ ազդեցության հետևանքներ են ու Հայաստանում որևէ առանձին վերցրած գործընթաց տեղի չի ունենում։
Վարչապետն ասաց, որ գնաճը զսպելու հետ կապված միջոցներ են ձեռք առնվում ու հույս հայտնեց, որ իրենց կհաջողվի գնաճը բերել ծրագրված միջակայք։