Չինաստանում հորդառատ անձրեւներն առաջ են բերել հեղեղումներ

Իշխանությունները վերջին մեկ օրում տարհանել են մոտ 2,4 հազար մարդ Չինաստանի հյուսիսարեւելյան Լյաոնին նահանգում՝ կապված հորդառատ անձրեւների առաջացրած հեղեղումների հետ։ Այս մասին տեղեկացրել է ՏԱՍՍ-ը՝ հղում կատարելով Xinhua-ին։

Նրա տվյալներով՝ նահանգի որոշ շրջաններում ռեկորդային քանակությամբ տեղումներ են եղել։ Տեղատարափ անձրեւները կարող են ուղեկցվել ամպրոպով, կարկուտով եւ ուժեղ քամով։

Բարդ եղանակային պայմանների պատճառով առանձին տարածքային միավորների իրավասու մարմինները հայտարարել են վտանգի բարձր (կարմիր) եւ բարձրացած (նարնջագույն) մակարդակ։ Ջրի տակ անցնելու սպառնալիքի հետ կապված՝ աշխատանքը դադարեցրել է 116 հանք։ Օդերեւութաբանների կանխատեսումներով՝ առաջիկա ժամերին Լյաոնինի մի շարք քաղաքներում ուժեղ անձրեւներ են սպասվում։