Այսօր նշվում է աղջիկ երեխաների միջազգային օրը։ Դրա առթիվ ուղերձ է հղել ՀՀ մարդու իրավունքների պաշտպան Արման Թաթոյանը։
- ՄԻՊ-ը Վատիկան պետքարտուղարին ներկայացրել է հայ գերիների վերադարձի հրատապությունը
- ՄԻՊ-ը 9 ամսում ստացել է երեխաների իրավունքների վերաբերյալ 485 դիմում-բողոք
«Աղջիկ երեխաները մեր կյանքը լցնում են վառ գույներով ու երջանկությամբ, տալիս են կյանքի դժվարությունները հաղթահարելու անսպառ մոտիվացիա։
Չպետք է թույլ տանք, որ մեր աղջիկ երեխաները դառնան մեր թվացյալ վախերի զոհը, որ մեր կարծրատիպերի պատճառով ձախողվի նրանց կյանքի ճանապարհը:
Սա աղջիկ երեխաների այս միջազգային օրվա սկզբունքային նշանավորում է:
Պետք է նրանց համար ստեղծենք հավասար պայմաններ, հնարավորություն տանք աղջիկ երեխաներին մասնակցել իրենց վերաբերող որոշումների կայացմանը:
Սեռով պայմանավորված հղիության ընդհատումները, կրթությունից դուրս մնալը, բռնության ենթարկվելու արատավոր երևույթները պետք է ամբողջությամբ դուրս մղվեն մեր հասարակությունից։
Պետք է գիտակցենք, որ մեզանից յուրաքանչյուրն ունի իր բաժին պատասխանատվությունը այս բոլոր հարցերում», – ասված է Թաթոյանի Facebook-յան գրառման մեջ։