Costco Wholesale ընկերությունը պաշտոնապես հաստատել է, որ 2026 թվականի հուլիսի 4-ին՝ շաբաթ օրը, ԱՄՆ-ում գտնվող իր բոլոր պահեստային խանութները փակ կլինեն։ Ընկերությունը նշում է Անկախության օրը, որն այս տարի նշանավորվում է երկրի անկախության 250-ամյակով։
CBS News-ի փոխանցմամբ՝ Costco-ի պաշտոնական ներկայացուցիչը հաստատել է փակման մասին տեղեկությունը՝ հորդորելով գնորդներին նախապես պլանավորել իրենց գնումները։ Ի տարբերություն այնպիսի խոշոր մանրածախ առևտրային ցանցերի, ինչպիսիք են Walmart-ը և Target-ը, որոնք հուլիսի 4-ի հանգստյան օրերին կշարունակեն աշխատել իրենց սովորական գրաֆիկով, Costco-ն պահպանում է ազգային տոների օրերին աշխատանքը դադարեցնելու իր քաղաքականությունը՝ աշխատակիցներին հանգստի հնարավորություն տալու համար։
Սպառողներին խորհուրդ է տրվում անհրաժեշտ գնումներն ավարտել մինչև շաբաթ օրը։ Թեև այլ առևտրային կետեր, սուպերմարկետներ և դեղատներ կարող են գործել փոփոխված գրաֆիկով, Costco-ի պահեստները տոնական օրվա ընթացքում հասանելի չեն լինի անդամների համար։