Սննդի կետի հանելուկային վերադարձը
Costco-ն պաշտոնապես ակնարկել է, որ սննդի կետի նախկինում հանված ապրանքներից մեկը սահմանափակ ժամանակով կվերադառնա ԱՄՆ-ի իր պահեստային խանութներում։ Սեպտեմբերի 16-ին Instagram-ում հրապարակված թիզեր-տեսանյութում երկու անձինք կանգնած են սննդի կետի ցանկի առջև և քննարկում են այն ապրանքի վերադարձը, որի անունը ծածկված է ձայնային ազդանշանով։ Տեսանյութն ավարտվում է «Շարունակելի» («To be continued») գրությամբ, ինչը երկրպագուների շրջանում ենթադրությունների տեղիք է տվել, հաղորդում է USA Today-ը։
Թեև ընկերությունը դեռևս պաշտոնապես չի հաստատել անունը, սոցիալական ցանցերում և Costco-ի աշխատակիցների պնդումներում հիմնականում շրջանառվում է Twisted Churro-ի վերադարձի մասին լուրը։ Ինչպես նշում է Yahoo Lifestyle-ը, որոշ սոցցանցային հաշիվներ նույնիսկ պնդում են, որ որոշ պահեստներում արդեն սկսել են վաճառել այն՝ նախքան պաշտոնական հայտարարությունը։
Churro-ի պատմությունը և սպառողների արձագանքը
Այս իրադարձությունը վերակենդանացրել է Costco-ի գնորդների երկարամյա բանավեճը սննդի կետի մենյուի վերաբերյալ։ Ընկերությունը տասնամյակներ շարունակ վաճառել է ուղիղ churro, սակայն 2021 թվականին այն փոխարինել է «ոլորված» (twisted) տարբերակով, ինչը խառը արձագանքների է արժանացել։ 2024 թվականի հունվարին Twisted Churro-ն ամբողջությամբ հանվել էր մենյուից և փոխարինվել շոկոլադե թխվածքաբլիթով։
MySA-ն նշում է, որ Costco-ի Reddit-յան էջում այս թեմայով քննարկումները հասել են ավելի քան 1500 մեկնաբանության, որտեղ օգտատերերը համեմատում են հին և նոր տարբերակները՝ միաժամանակ հույս հայտնելով այլ ապրանքների, օրինակ՝ Combo Pizza-ի վերադարձի մասին։
Մենյուի ընդլայնման ռազմավարությունը
Այս քայլը տեղի է ունենում այն ժամանակ, երբ Costco-ն ակտիվորեն թարմացնում է իր սննդի կետերի առաջարկները։ Այս տարի ընկերությունը ներկայացրել է հոթ-դոգի և ջրի նոր համադիրբ համադրություն, իսկ հուլիսին՝ հավի կտորներ (chicken tenders)։ Այս փոփոխությունները նպատակ ունեն պահպանել հաճախորդների հետաքրքրությունը և այցելությունների ակտիվությունը։