Մադրիդի «Ռեալի» դարպասապահ Տիբո Կուրտուան պատմել է, թե ինչպես են թիմի հարձակվող Գարեթ Բեյլն ու կիսապաշտպան Տոնի Կրոսը մի անգամ բաց թողել թիմի ընթրիքը.
«Բեյլին թիմում գոլֆիստ են անվանում: Նրան մեկ բառով նկարագրելը դժվար է: Նա շատ տաղանդներ ունի:
Ես ապրում եմ Մադրիդում ծնված ու մեծացած մարդկանց պես:
Ուշ ժամերի եմ ընթրում, ուշ եմ պառկում քնելու. այդպիսի ապրելակերպ ունեմ:
Մի անգամ երեկոյան մենք ամբողջ թիմով ընթրում էինք, բայց Բեյլն ու Տոնի Կրոսը չեկան: Նրանք համարեցին, որ ընթրիքը շատ ուշ ժամի է նշանակված: Մենք պայմանավորվել էինք 21:30 հանդիպել ռեստորանում, մոտ 22:15 սկսեցինք ընթրել, իսկ կեսգիշերին մոտ սուրճ խմեցինք:
Գիշերը ժամը 01:00-ի սահմաններում պառկում ենք քնելու, քանի որ մարզումն առավոտյան 11-ին է սկսվում: Կարծում եմ` սա հիանալի ժամ է: Բայց Գարեթն ասաց. «Ես չեմ կարող գալ տղաներ, քանի որ 23:00-ին պառկում եմ քնելու»,- Կուրտուայի խոսքերն է փոխանցում HLN-ը:
Հաղորդում է armsport.am-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
