Բավարիայի խաղին ադապտանալու համար Կոուտինյոյին շատ ժամանակ է պետք։ Այսպիսի կարծիք է հայտնել Մյունխենի «Բավարիա»-ի և Հոլանդիայի ազգային հավաքականի նախկին ֆուտբոլիստ Արյեն Ռոբենը Բրազիլիայի ազգային հավաքականի կիսապաշտպան Ֆիլիպե Կոուտինյոյի՝ «Բավարիա» տեղափոխության մասին: Այս մասին հաղորդում է Bild-ը։
«Կոուտինյոն մեծ պոտենցիալ ունեցող ֆուտբոլիստ է: «Բավարիա»-ի խաղին ադապտանալու համար նրան ժամանակ է պետք: Վստահ եմ, որ որոշ ժամանակ անց Կոուտինյոն շատ հանդիպումների ելք է վճռելու:
«Բավարիա»-ում իմ ամենասիրելի ֆուտբոլիստը Մյուլլերն է: Այն որակները, որն ունի այդ ֆուտբոլիստը, չունի ոչ ոք»,-ասել է Ռոբենը:
Հիշեցնենք, որ Ֆիլիպե Կոուտինյոն «Բավարիա»-ում ընթացիկ մրցաշրջանում հանդես է գալու վարձավճարով: Բրազիլացի կիսապաշտպանը մյունխենյան ակումբում խաղում է 10 համարի մարզաշապիկով, որը նախկինում պատկանել է Արյեն Ռոբենին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
