Մոտենում է Պեկինի ձմեռային օլիմպիական խաղերի մեկնարկի օրը։
Երեկ՝ հունվարի 31-ին, Չինաստանի մայրաքաղաք են մեկնել Հայաստանը ներկայացնող դահուկավազորդներ Միքայել Միքայելյանը, Կատյա Գալստյանը և Անգելինա Մուրադյանը:
Այս մասին տեղեկանում ենք ՀԱՕԿ պաշտոնական կայքից։
Նշվում է, որ առաջիկայում նրանց են միանալու մեր մյուս ներկայացուցիչները։
Ըստ աղբյուրի՝ Հայաստանը ներկայացնող գեղասահքի պարային զույգը՝ Թինա Կարապետյանը և Սիմոն Սենեկալը, մրցավայր են մեկնելու Կանադայից։