Հանրապետության նախագահ Վահագն Խաչատուրյանի մասնակցությամբ նախագահական նստավայրում այսօր տեղի է ունեցել Գեղարքունիքի մարզի առաջին ատյանի ընդհանուր իրավասության դատարանի դատավոր Սամվել Յուզբաշյանի երդման արարողությունը: Այս մասին հայտնել է ՀՀ նախագահի աշխատակազմը։
Նախագահ Վահագն Խաչատուրյանը շնորհավորել է նորանշանակ դատավորին և հաջողություններ մաղթել պատասխանատու գործում:
«Ձեր գիտելիքները օգտագործեք իսկապես արդարադատություն իրականացնելու համար: Միշտ հիշեք, որ ձեր որոշումները պետք է կայացվեն հանուն Հայաստանի Հանրապետության»,- ասել է նախագահ Խաչատուրյանը:
