Gulf News-ը, վկայակոչելով Դուբայի Գերագույն ճգնաժամային և բնական աղետների կառավարման հանձնաժողովին, հայտնում է, որ Դուբայը վերականգնում է զբոսաշրջիկներին ընդունելը: Երկիրը զբոսաշրջիկներ կընդունի հուլիսի 7-ից:
Բոլոր այցելուները պետք է ենթարկվեն սահմանված պահանջներին, որոնց զբոսաշրջիկները պետք է ծանոթանան ինքնուրույն: Միջազգային զբոսաշրջիկները Դուբայի օդանավակայանում պետք է լրացնեն ձևաթուղթ այն մասին, թե ինչ առողջական վիճակում են այդ պահին:
Պարտադիր է նաև անձնական ապահովագրությունն ու PCR թեստի բացասական արդյունքը: Թեստավորումը պետք է իրականացված լինի մինչև զբոսաշրջության մեկնելը՝ առավելագույնը 96 օրվա ընթացքում: Զբոսաշրջիկներին կարող են թեստավորել նաև օդանավակայանում: Եթե թեստի պատասխանը դրական կլինի, ապա զբոսաշրջիկը պետք է 14 օրով ինքնամեկուսանա հատկացված հատուկ վայրում՝ իր իսկ հաշվին:
Դուբայի ամբողջ տարածքում զբոսաշրջիկները պետք է լինեն դիմակներով, ապահովեն սոցիալական հեռավորության պահպանման պահանջը, հետևեն առողջական վիճակին ու հաճախ ախտահանվեն:
