Աշխարհահռչակ ամերիկահայ փոփ-երգչուհի Շերը (Շերլին Սարգսյան) Twitter-ի իր միկրոլոգում անդրադարձել է ահաբեկիչների կողմից Ղամիշլիում Հայ Կաթողիկե համայնքի ժողովրդապետի ու նրա հոր սպանությանը՝ խոսքն ուղղելով ԱՄՆ նախագահին:
«Եթե Իսլամական պետությունը վերադարձել է, ապա Դուք և Էրդողանն եք բերել նրանց: Դուք օգնեցիք Էրդողանին քրդերին կոտորելու հարցում: Մարդիկ կտառապեն, կմահանան, ձեր «սիրելի Էրդողանը» պետք է գոհ լինի: Իսլամական պետությունը սպանել է հայ քահանայի, ու նրա հորը: Արդյո՞ք Էրդողանը գնել է ձեզ»,-գրել էր Շերը՝ նոյեմբերի 13-ի կեսօրին Վաշինգտոնում սպասվող Թրամփ-Էրդողան հանդիպմանն ընդառաջ:
Նոյեմբերի 11-ին Սիրիայում ահաբեկիչներն սպանել են Ղամիշլիի Հայ Կաթողիկե համայնքի հոգևոր հովիվ Տեր Հովսեփ քահանա Պետոյանին ու նրա հորը` Հաննա Պետոյանին։
Ավելի ուշ «Իսլամական պետություն» ահաբեկչական խմբավորումը իր վրա էր վերցրել տեղի ունեցածը։
IF ISIS IS BACK,YOU & ERDOGAN BROUGHT THEM‼️YOU HELPED ERDOGAN MASSACRE KURDS,SO THEY WONT BE HERE TO COVER YOUR MAMMOTH ASS.PPL WILL SUFFER &DIE.UR”BESTIE ERDOGAN”MUST BE ELATED,ISIS MURDERED AN“ARMENIAN PRIEST”& HIS FATHER⚰️⚰️.DID ERDOGAN BUY YOU WITH💰,POWER, BOTH ⁉️ pic.twitter.com/7GaTQ3aOTH
— Cher (@cher) November 13, 2019
ԽՈՐՀՈւՐԴ Է ՏՐՎՈւՄ ԿԱՐԴԱԼ
