Dyson-ը հայտարարել է մազերի խնամքի իր առաջին արտադրանքների՝ Chitosan Pre-Style Cream-ի եւ Chitosan Post-Style Serum-ի մասին (յուրաքանչյուրի գինը 60 կամ 55 դոլար): Միջոցները նախատեսված են բրենդի հարդարման գործիքների հետ համատեղ աշխատելու համար:
Երկու բանաձեւերը հիմնված են խիտոզանի վրա՝ «բարդ մակրոմոլեկուլ», որը ստացվում է ոստրե սնկից եւ օգնում է պահպանել մազերը: Սրանք նաեւ նախագծված են «triodesic տեխնոլոգիայով», որը ֆիքսում է հարդարումը՝ «թույլ տալով մազերին շարժվել, ճկվել եւ վերականգնել իրենց ոճը՝ ապահովելով ճկուն ամրություն ամբողջ օրվա ընթացքում, նույնիսկ բարձր խոնավության դեպքում»:
Երբ կիրառվում է խոնավ, սրբիչով չորացրած մազերի վրա, Chitosan Pre-Style Cream-ը պայքարում է գանգուրների դեմ եւ ուժեղացնում փայլը խաղողի կորիզի, գերչակի, արգանի եւ կոկոսի յուղերի խառնուրդի, ինչպես նաեւ մեղրամոմի եւ ջերմային պաշտպանիչ միջոցների շնորհիվ: Այն նաեւ նախատեսված է մազերի բոլոր տեսակների համար՝ ուղիղ եւ ալիքաձեւ:
Մազերը չորացնելուց եւ հարդարելուց հետո Post-Style Serum-ը պաշտպանում է դրանք «մինչեւ 80% հարաբերական խոնավությունից» եւ ֆիքսում տեսքը ամինաթթուներով՝ մակերեսային վնասը վերականգնելու համար, իսկ հիալուրոնաթթուն՝ թելերը խոնավացնելու համար: Մինչեւ 12 ժամ հարդարումը պահպանելու ունակությամբ՝ շիճուկը համարվում է հարմար բոլոր տեսակի մազերի համար, ներառյալ ներկված եւ քիմիապես մշակված մազերը:
