«Իրազեկ քաղաքացիների միավորում» ՀԿ նախագահ Դանիել Իոաննիսյանը ֆեյսբուքյան իր էջում արձագանքել է ՊՎԾ պետ Դավիթ Սանասարյանի նկատմամբ մեղադրանք առաջադրելու վերաբերյալ վարչապետի Նիկոլ Փաշինյանի գրառմանը:
«Չգիտեմ, թե ում նկատի ունի Նիկոլ Փաշինյանը՝ «ախպերական» հարաբերությունների մասին խոսելիս, բայց միանգամից ասեմ, որ երբ Դավիթը, որպես թեկնածու, խախտեց օրենքը, դրա մասին առաջինը մենք գրեցինք, թեև Դավիթը իմ ընկերն է:
Բայց այս գործում կան ակնհայտ խնդիրներ (մի ամբողջ փունջ) և ես հուսով եմ, որ վարչապետի կողմից «նորմալ քննության ապահովելը» կարտահայտվի քննության բազմակողմանիության ապահովմամբ և ոչ «Վանեցյանի գործնա, թող ինքն էլ անի»-ով:
Հ.Գ. Իմիջայլոց, ինչի՞ համար ենք մեք ՀՔԾ պահում, եթե բարձրաստիճան պաշտոնատար անձի գործը պիտի ԱԱԾ-ն քննի»,- գրել է նա:
Նիկոլ Փաշինյանի գրառումը՝
https://www.facebook.com/nikol.pashinyan/posts/2298622850458097
Դանիել Իոաննիսյանի գրառումը՝
https://www.facebook.com/danioanis/posts/10217740188993524
