Իսրայելի վարչապետ Բենիամին Նեթանյահուն այսօր ելույթ է ունեցել և արձագանքել Թուրքիայի նախագահ Էրդողանի հայտարարությանը։ Այս մասին հայտնում է ՌԻԱ Նովոստին։
Դեկտեմբերի 27-ին Թուրքիայի նախագահը Նեթանյահուի հասցեին քննադատություն էր հնչեցրել` հերթական անգամ համեմատելով նրան Ադոլֆ Հիտլերի հետ։
«Էրդողանը, որ ցեղասպանություն է իրականացրել քրդերի նկատմամբ և ռեկորդակիր է իր ռեժիմի դեմ հանդես եկող լրագրողներին ձերբակալելու թվով, վերջինն է, որ կարող է մեզ խրատ կարդալ», – ասել է Նեթանյահուն։
Քաղաքական գործիչը հավելել է, որ Իսրայելի պաշտպանության բանակը պայքարում է ՀԱՄԱՍ–ի դեմ, որին «փառաբանում» է Էրդողանը և բազմիցս ընդունել է իր մոտ։
Հիշեցնենք` Թուրքիայի նախագահ Ռեջեփ Թայիփ Էրդողանն Իսրայելի վարչապետ Բենիամին Նեթանյահուին «դահիճ» և «մարդասպան» է անվանել, հայտարարել, որ նա Գազայի հատվածում ցեղասպանություն է կազմակերպել իր քաղաքական կարիերան երկարացնելու և Իսրայելում իր դեմ սկսված դատական գործընթացից խուսափելու համար։ Բացի այդ, Անկարան հրաժարվում է ՀԱՄԱՍ–ն ահաբեկչական կազմակերպություն ճանաչելուց։
![](https://azat.tv/wp-content/uploads/2022/09/azattvlogoblack.png)