«Միլանի» 38-ամյա հարձակվող Զլատան Իբրահիմովիչը մեկնաբանել է «Սամպդորիայի» հետ խաղի արդյունքները:
Նշենք, որ այս խաղում Իբրահիմովիչը դուբլի հեղինակ դարձավ, իսկ թիմը 4-1 հաշվով հաղթեց:
Ֆուտբոլիստը նշել է, որ մարդիկ ասում են, որ ինքը արդեն ծեր է և հոգնել է ֆուտբոլից, բայց ինքը դեռ տաքանում է:
«Ես Բենջամին Բաթոնի նման եմ, այն բացառությամբ, որ միշտ երիտասարդ եմ եղել ու երբեք ծեր չեմ եղել: Կարծում եմ՝ հիմա Ա Սերիայի խաղացողների մեծ մասը ճիշտ մենթալիտետ ունի, որ կարողանա իրացնել մրցակցի դարպասի մոտ իր շանսը: Երբ Ա Սերիայում գոլ խփելու հնարավորություն է լինում, անպայման պետք է օգտագործել այն:
Ֆուտբոլիստը խոսել է Ստեֆանո Պիոլիի հետ պայմանագրի երկարաձգման մասին:
«Միայն լավը կարող եմ ասել նրա մասին, ուրախ եմ նրա համար, որովհետև այսպիսի մեծ աշխատանք է արել: Նա շարունակեց քայլել կրակի միջով՝ չիմանալով իր ապագան, դրա համար էլ լիովին արժանի է նոր պայմանագրի:
Երբ այսպես քրտնաջան աշխատում ես, ինչ-որ բան ստանում ես, դրա համար էլ շատ ուրախ եմ նրա համար: Թիմը հավատում է այդ մարզչին, ու ես հարգում եմ նրան: Հիմա ուղղակի պիտի տեսնենք, թե որ թիմն է հետևում նրան»
Այս մասին տեղեկանում ենք Football Italia-ից:
