Գազի խողովակները առանձնահատկություն ունեն՝ համ մտնում են, համ դուրս են գալիս․ Այսպիսի խոսքերով վարչապետ Նիկոլ Փաշինյանը սկսեց պատասխանել իրանական գազի տարանցման մասին։ Խոսքն այն մասին է, որ եթե գազը բերվում է Հայաստան, ապա կարող է նաև դուրս բերվել Հայաստանից՝ տարանցման համար։
«Այսինքն՝ խոսքը նոր գազատարի մասին չէ, առնվազն այնքան ժամանակ, քանի դեռ եղած գազատարներով հնարավոր է իրականացնել առկա ծրագրերը»,- ասաց Փաշինյանը։
Վարչապետը տեղեկացրեց, որ Իրան այցից առաջ հեռախոսազրույցներ է ունեցել Ռուսաստանի, Վրաստանի և Թուրքմենստանի ղեկավարների հետ, քանի որ հետաքրքիր էին նաև նրանց մոտեցումները գազի տարանցման թեմայով։ Հենց այդ զրույցներից հետո, ըստ Փաշինյանի, գազի թեման դարձել է քննարկումների կարևոր կետերից մեկը։
«Քննարկումները կշարունակվեն, քանի դեռ չենք եկել եզրակացության՝ դրական, թե բացասական»,- նշեց Փաշինյանը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
