fbpx
Իրավական
12:33 19/03/2019

Պետք է բարձրացնել դատավորների աշխատավարձը․ Զեյնալյան

ՀՀ ԱԺ պետաիրավական հարցերի մշտական հանձնաժողովի նիստի ընթացքում արդարադատության նախարար Արտակ Զեյնալյանը խոսեց դատավորների սոցիալական երաշխիքների մասին։

«Դրա համար էլ կրճատում ենք պետական ապարատը, որպեսզի կարողանանք բյուջեն ավելացնել, ի վերջո, նաև բարձրացնել դատավորների աշխատավարձը, ավելի կատարյալ դարձնել սոցիալական երաշխիքները: Հետաքրքրության համար կարող եմ ասել, որ մենք վերջին տեղում ենք Եվրոպայի խորհրդում: Դատավորների աշխատավարձը մոտավորապես 1100 եվրոյին համարժեք է: Դա 3 անգամ ավելի պակաս է, քան վերջից 3-րդ տեղում գտնվող Մոլդովայինը, որտեղ 3300 եվրոյի չափ է դատավորի աշխատավարձը»,-ասաց նա:

Նախարարն ասաց նաև, որ 100 հազար բնակչի հաշվարկով՝ պետք է ունենանք 21 դատավոր, բայց մենք ունենք ընդամենը 7-ը ու շեշտեց, որ այս խնդիրը պետք է լուծվի։

 

ՎԵՐՋԻՆ ԼՈւՐԵՐ

Վերեվ